Ата -аналарды педагогикалық қолдау орталығының жоспарына сәйкес, қыркүйектің 26 күні мектебімізде бастауыш сынып ата-аналарына арналған жаңа форматта ата -аналар жиналыс өтті. Жиналыс тақырыбы: "Балалардың қауіпсіздігі – ересектердің міндеті"
Мақсаты: ақпараттық және іс-қимыл алгоритмдері негізінде балалардың әл-ауқаты мен қауіпсіздігін қамтамасыз ету үшін ата-аналардың психологиялық-педагогикалық және әлеуметтік құзыреттіліктерін дамыту.
Міндеттері:
- Ата-аналардың баланы қазіргі әлемнің қауіп-қатерлерінен қорғауға деген ұмтылысын ынталандыру;
- Ата-аналарға іс-қимыл алгоритмдерін үйрету, ықтимал қауіптер мен балалардың қауіпсіздігін қамтамасыз етудің тиімді тәсілдері туралы түсініктерді кеңейту және тереңдету;
- Баланың тәуелсіздігін дамыту үшін бірлескен іс-әрекет және өзіндік мінез-құлық сызығын талдау дағдыларын дамыту.
Ұлттық құндылықтар мен тұлғаның жеке қасиеттері: әділеттілік және жауапкершілік. Бұл жиналыста балалардың - қауіпсіздігі ата-аналардың қамқорлығы екеніне тағы бір мәрте көзімізді жеткіздік. Ата -аналарымызға айтатыным, балалардың денсаулығы мен өміріне қауіп төндіретін қиын өмірлік жағдайларда ұшақ ұшар алдында стюардессалардың: «Алдымен өзіңізге, содан кейін балаға маска кигізіңіз» деген сөзін есте ұстаған жөн! Бала – сіздің басты құндылығыңыз. Олардың өмірі көбінесе сіздің дұрыс сөздеріңіз бен әрекеттеріңізге байланысты. Бұл туралы ұмытпаңыз. Баланың жас және эмоционалдық ерекшеліктерін ескеруді ұмытпаңыз. Балалар үшін олар жақсы көретін адамдар – сенімді адамдар екенін білу маңызды. Өзіңізді және балаларыңызды қорғаңыз!
Жиналысты өткізген: Баймулдинова Айнагүл Юрьевна, бастауыш сынып мұғалімі #біртұтас_тәрбие_pvl #біртұтас_тәрбие__pvl_usp #козыкеткенскаясош #козыкеткенсош
